ஓர் இயக்கத்தில் இணைந்து மார்க்கத்துக்கும், சமுதாயத்துக்கும் தொண்டாற்ற முன்வரும் போது பலதரப்பட்ட மனிதர்களுடன் சேர்ந்து செயலாற்ற வேண்டியுள்ளது. இந்த வகையில் இயக்கத் தொண்டூழியர்களுக்கு மனமுதிர்ச்சியும் பரந்துபட்ட பக்குவமும் தேவைப்படுகின்றன. அதோடு இறைவழியில் பாடுபடும்போது இன்னல்களும் இடையூறுகளும் ஏற்படவே செய்யும்.

* இவற்றைக் களைய நாம் என்ன செய்ய வேண்டும்?
* அதற்குத் தேவைப்படும் மனப்பக்குவத்தை எவ்வாறு பெறுவது?
* எத்தகைய வழிகாட்டுதலைப் பின்பற்றினால் நமது தொண்டு சிறக்கும்?
* நேரிய வழியில் நமது ஆளுமைகளை வளர்த்துக் கொள்வது எப்படி?

இப்படியான வினாக்களுக்குரிய விடைகளை, பேரறிஞர் ஸய்யித் அபுல் அஃலா மௌதூதி (ரஹ்) தமக்கே உரிய பாணியில் இந்நூலில் வழங்கியுள்ளார்.

உலக மக்களில் பெரும்பாலோர் பாலஸ்தீன் – இஸ்ரேல் பிரச்னைப் பற்றி சரியாக அறியாமல் உள்ளனர் (அல்லது) தவறாகப் புரிந்துள்ளனர்.

முதலில் வரலாற்றைத் தெளிவாக அறிந்திருக்க வேண்டும். அதுவும் ஆதாரப்பூர்வமான நடுநிலையாக எழுதப்பட்ட மூலத்திலிருந்து தெரியவேண்டும்.

உணர்ச்சிப்பூர்வமாக அணுகாமல் நியாயம், தர்மம், பக்கச்சார்பின்மை ஆகியவற்றின் அடிப்படையில் அணுகினால் உண்மை புலப்படும். உண்மை புலப்பட்டால் நீதி யார் பக்கம் என்பது தெரியவரும்.